Skip to main content

uMGUNGUNDLOVU DISTRICT MAYORAL GAMES 2024

11 November 2024
Mhlaka 3 kuLwezi 2024 kwabe kuwusuku lwesibili lwemidlalo ye District Mayoral Games eyaqala ngayizolo zingu 2 kuLwezi ku2024 ebibanjelwe ngaphansi koMasipala i-Richmond. uKhansela Mzi Zuma uhole ithimba lozakwabo iMeya ezihola imikhandlu yasekhaya engaphansi koMkhandlu wesiFunda uMgungundlovu, ukuzobungaza impumelelo yentsha ekade iqhudelene kulemidlalo yeDistrict Mayoral Games eyenzelwe ukuhlunga nokuqoka iqembu elizomela uMgungundlovu District emidlalweni ye KZN SALGA 2024 ezoba ngoZibandlela kwelikabhanana eThekwini. Umqeqeshi ohlonishiwe wahlomula ngendondo kulemdlalo yeDistrict Mayoral Games 2024 uNtombifuthi Khumalo , uye waqeqesha iqembu lesikole elaphuma Phambili e-Afrika yonkana, uzwakalise amazwi agcwele umunyu nenjabulo esho ukuthi kuyamthokozisa ukuhlonishwa ekhaya ngegalelo lakhe akufani nokuhlonishwa kwamanye amazwe. Ubonge uMeya wesiFunda uNxamalala ngendondo walandisa ukuthi uMgungundlovu iwona vho usehloniphe umsebenzi wakhe lapha eMzansi Kanye nakulesisifundazwe. UNxamalala wetuse isasasa kubantu bonke abebethamele lemidlalo wabe esehalalisela bonke abahlomule ngezindebe nangezindondo kanye nabadlalile esho ukuthi noma ngabe abaphumelelanga ukuthi nje badlalile kusho lukhulu futhi bangabanqobi. UNxamalala uqhube inkulumo yakhe ebonga kozakwabo imeya ekade zethamele lomcimbi okubalwa kuzo uMeya Khansela Mzi Thebolla wase Msunduzi, uMeya Khansela M Zondi waseMshwathi, uKhansela N Ntombela waseMkhambathini kanye noKhansela M Ngcongo waseRichmond ababambe iqhaza ekwesekeni lemidlalo ezingeni lamawadi kanye nasezingeni loMasipala kuze kufike ezingeni lesifunda wabe esebadlonipha ngezindondo. Lolusuku luphethe ngemibhiyozo nenhlokomo enkulu kwabahlomulile kanye nabalandeli. kuthathwe izithombe nobuholi kanye neqembu eliyomela uMkhandlu wesiFunda uMgungundlovu emidlalweni ye KZN SALGA kowezi2024. Nansi imiphumela yemidlalo ngokwahlukana kwayo: Ibhola lombhoxo (Rugby) labesifazane No.2 Mpendle LM No.1 Msunduzi LM Ibhola lombhoxo (Rugby) labesilisa No. 3 Richmond LM No. 2 Mngeni LM No. 1 Msunduzi LM Imidlalo yomudabu (Indigenous Games) No. 3 Richmond LM No. 2 Impendle LM No. 1 Mshwathi LM Ibhola lomnqakiswano (Netball) labesilisa No. 3 Mshwathi LM No. 2 Richmond LM No. 1 Mkhambathini LM Ibhola lomnqakiswano (Netball) labesifazane No. 3 Mkhambathini LM No. 2 Mshwathi LM No. 1 Msunduzi LM Ibhola likanobhutshuzwayo (Football) labesifazane No. 2 Mngeni LM No. 1 Msunduzi LM Ibhola likanobhutshuzwayo (Football) labesilisa No. 2 Mngeni LM No. 1 Mkhambathini LM Umqeqeshi ovelele Ntombifuthi Khumalo Halala kubadlali bonke